Safnahúsið á Eyrartúni, gamla sjúkrahúsið, þykir með fallegri byggingum landsins. Það var byggt á árunum 1924–1925 eftir teikningum Guðjóns Samúelssonar, þáverandi húsameistara ríkisins, og vígt við hátíðlega athöfn 17. júní 1925. Þjónaði það sem sjúkrahús til ársins 1989 þegar nýtt sjúkrahús var tekið í notkun. Frá árinu 2003 hefur það gegnt hlutverki menningarhúss og hafa fjögur söfn þar aðsetur: Bókasafnið, Skjalasafnið, Ljósmyndasafnið og Listasafn Ísafjarðar.
Árið 1926 kom fjölskylda til Íslands frá Danmörku með vísi að dýragarði meðferðis. Þau komu sér fyrir í Laugarnesinu og síðar inni við Elliðaár. Næstu misserin átti fólkið eftir að vekja nokkra athygli Reykvíkinga og raunar víðar um landið – til að mynda lá leiðin til Ísafjarðar.
Lesa meira
Listasafn Ísafjarðar býður gesti velkomna á opnun samsýningar Ragnhildar Stefánsdóttur og Valgerðar Sigurðardóttur, Aðlögun, föstudaginn 12. júní kl. 16:00 í sýningarsal safnsins á annarri hæð Safnahússins á Ísafirði. Boðið verður upp á léttar veitingar.
Lesa meira
Bæjarlistamaðurinn Ingvar Friðbjörn Sveinsson opnar sýningu á verkum sínum mánudaginn 1. júní kl. 16:00 í Safnahúsinu á Ísafirði. Sýningin er hluti af dagskrá í tilefni af 30 ára afmæli Ísafjarðarbæjar.
Lesa meira
Í ár ætlum við að fara með Gúnda geithafri í alveg meeergjað ferðalag.
Lesa meira