5 börn

Börn Þorláks Magnússonar snikkara og Júlíönu Ingimundardóttur, Ísafirði. Þorlákur Magnússon, snikkari. F. 15. desember 1854, d. 4. janúar 1914. Jórunn Júlíana Ingimundardóttir, f. 20. júlí 1860, d. 2. júlí 1932. Börnin eru í aldursröð: Jóhanna Margrét Þorláksdóttir f. 26. maí 1883, d. 12. apríl 1944. Giftist Guðna Þorlákssyni (1881-1914). Giftist síðar Guðmundi Jónssyni. Átti tvo syni með fyrri manni sínum. Nikólína Henríetta Katrín Þorláksdóttir, f. 9. júní 1884, d. 14. nóvember 1959. Giftist Guðmundi Guðmundssyni bakara á ísafirði árið 1908. Fluttust síðar til Reykjavíkur. Áttu tíu börn. Sylvía Þorláksdóttir Klein, f. 27. september 1887, d. 6. ágúst 1954. Saumakona í Reykjavík og húsfreyja á Laugavegi 163 árið 1930. Giftist Kristjáni Jónssyni sem fórst með þilskipinu Valtý árið 1920. Átti tvö börn. Giftist síðar J.C Klein sem var ekkill Elínar systur hennar sem lést árið 1925. Þau áttu saman eitt barn sem lést á fyrsta ári. Karl Kristján Þorláksson, f. 25. september 1888, d. 4. júlí 1955. Fór til Vesturheims, notaði nafnið Carl K. Thorlaksson. Starfaði sem úrsmiður og skrautmunasali í Winnipeg. Karl giftist Valdheiði Benjamínsson og áttu þau einn son. Elín Þorláksdóttir, f. 20. ágúst 1890, d. 26. nóvember 1925. Giftist Johannesi Carli Klein kjötverslunarmanni og áttu saman fjögur börn. Hún lést úr heilablóðfalli 1925. Johannes giftist síðar Sylvíu systur Elínar.