Hafið og handþrykk
Vísinda- og listasmiðja 2. og 3. maí fyrir börn og ungmenni í 5.-10. bekk.
Hvað gerist þegar við fléttum saman vísindum og list?
Bókasafnið Ísafirði býður börnum og ungmennum í 5.-10. bekk grunnskóla á stórskemmtilega vísinda- og listasmiðju 2. og 3. maí.
Við ætlum að skoða nánasta umhverfi okkar - hafið og fjöruna - og fá innblástur til að skapa. Kræklingar og kuðungar, skeljar og sandormar, þari og þang verða að mynd og mynstri á pappír eða textíl.
Dagskrá smiðjunnar:
Laugardagur 2. maí kl. 14-16, mæting í fjöru í Arnardal.
Við förum í fjöru til að leita okkur að innblæstri. Með í för verða líffræðingar, Cristian og Kristjana, sem segja frá lífverum fjörunnar. Þátttakendur skoða sig um og taka sýni með sem þeir vilja vinna útfrá.
Mikilvægt að klæða sig eftir veðri, gott að vera í vatnsheldum skóm.
Sunnudagur 3. maí kl. 14-16, mæting í kjallara Safnahússins
Þátttakendur mæta í Safnahúsið þar sem þau skissa upp verkið sitt og handþrykkja það svo undir leiðsögn Drífu sem er fata- og textílhönnuður.
Þátttaka er ókeypis en pláss er takmarkað og skráning því nauðsynleg:
https://form.jotform.com/261042504516043
Verkefnið er hluti af Púkanum, barnamenningarhátíð Vestfjarða.