Sýningin Aðlögun opnar í Listasafni Ísafjarðar
Listasafn Ísafjarðar býður gesti velkomna á opnun samsýningar Ragnhildar Stefánsdóttur og Valgerðar Sigurðardóttur, Aðlögun, föstudaginn 12. júní kl. 16:00 í sýningarsal safnsins á annarri hæð Safnahússins á Ísafirði. Boðið verður upp á léttar veitingar.
Aðlögun: Ragnhildur Stefánsdóttir & Valgerður Sigurðardóttir
Á sýningunni mætast verk listamannanna tveggja í sameiginlegu rými þar sem ólíkar nálganir og reynsluheimar kallast á. Sýningin stendur til 17. október 2026.
Ragnhildur Stefánsdóttir (f. 1958) lauk MFA-prófi frá Carnegie Mellon University í Pittsburgh árið 1987 og hefur um áratugaskeið unnið með skúlptúr, mótagerð og afsteypur. Valgerður Sigurðardóttir (f. 1992) lauk MFA-gráðu frá KASK í Gent árið 2018 og býr og starfar í Antwerpen í Belgíu. Báðar hafa þær sýnt verk sín víða hérlendis og erlendis.
Athygli er vakin á því að sama dag kl. 17:00 opnar sýningin Fagurstúfur / Darling eftir Kötu Jóhanness og Rondi Park í Slunkaríki í Edinborgarhúsinu. Gestum gefst því tækifæri til að heimsækja tvær myndlistarsýningar á Ísafirði sama dag.