Í fjölmörgum ævintýrum finnum við hugmyndina um óskastund, augnablikið þegar gáttin opnast úr hinu hversdagslega lífi yfir í veröld drauma. Óskastundin er ýmist föst eða hreyfanleg, einu sinni á dag eða einu sinni á ári. Verkin eru spunnin út frá þeirri hugsun sem býr að baki sögum um óskastundina, tilgátunni um aðra veröld handan við þessa þar sem óskirnar geta ræst – til góðs eða ills.
Lesa meira
Þrátt fyrir stuttan feril er Ísfirðingurinn Kristján Helgi Magnússon (1903–1937) talinn einn athyglisverðasti myndlistarmaður þjóðarinnar á fyrri hluta 20. aldar. Á sýningunni verða sýnd verk eftir listamanninn úr safneign safnsins auk verka í einkaeigu á Ísafirði.
Lesa meira
Einkasýning Gunnars Jónssonar. Gunnar er heimamaður og sækir innblástur í nærumhverfið fyrir sýningu sína í safninu. Sorgarhyrna er hugleiðing um samband íbúa Ísafjarðar og umhverfis á þessum árstíma, þegar gangur sólar og fjöllin móta andlegt landslag.
Lesa meira
Book Space er þátttökulistaverk eftir Elínu Hansdóttur sem hefur ferðast milli almenningsbókasafna víðs vegar um Evrópu í tvo áratugi, eða frá árinu 2005. Kjarna verksins mynda 2.000 auðar bækur sem hafa verið til útláns á opinberum bókasöfnum — bækur sem bjóða gestum ekki upp á að lesa, heldur að skrifa, teikna eða leggja til hugmyndir sínar fram á hvaða hátt sem þeir kjósa.
Lesa meira
Hvernig sýnum við umhyggju? Er það í gegnum samtöl hvert við annað, gjörðir, hefðir, hluti eða rýmið sem við sköpum á milli okkar? Væntumþykja birtist oft í hinu smáa – í hljóðlátum en dýrmætum augnablikum. Það má finna hana í hefðum og fjölskyldusögum eða í hversdagslegum og látlausum athöfnum daglegs lífs. Katla Rúnarsdóttir og Mirjam Maekalle nálgast þessar hugmyndir hvor á sinn hátt með tvívíðum og þrívíðum verkum sem spegla sjálfið, tengsl og tjáningu umhyggju í fjölbreyttu samhengi.
Lesa meira
Þér og þínum er boðið að vera við opnun sögusýningar Kristínar Þorvaldsdóttur (1870 – 1944), föstudaginn 31. Janúar 2025, kl. 17:00 í sýningarsal Listasafns Ísafjarðar á 2. Hæð t.v. í Safnahúsinu við Eyrartún. Boðið verður upp á léttar veitingar.
Lesa meira
Einkasýning Sigurðar Atla Sigurðssonar I Sigurður Atli Sigurðsson Solo Exhibition. Sýningarsalur Listasafns Ísafjarðar, 2. hæð t.v. Safnahúsinu við Eyrartún. Þér og þínum er boðið að vera við opnun sýningarinnar Allt mögulegt, föstudaginn 25. október 2024, kl. 17:00 í sýningarsal Listasafni Ísafjarðar á 2. Hæð t.v. í Safnahúsinu við Eyrartún. Sýningin er hluti af menningar- og listahátíðin Veturnóttum á Ísafirði sem fer fram dagana 24.-27. október. Boðið verður upp á léttar veitingar og verður listamaðurinn viðstaddur opnunina.
Lesa meira
Þér og þínum er boðið að vera við opnun sýningarinnar, Marga fjöruna sopið, miðvikudaginn 23. október 2024, kl. 17:00 á stigagangi Safnahússins við Eyrartún. Sýningin er hluti af menningar- og listahátíðin Veturnóttum á Ísafirði sem fer fram dagana 24.-27. október. Boðið verður upp á léttar veitingar og verður listamaðurinn viðstaddur opnunina.
Lesa meira
Yfirskrift sýningarinnar Framtíðarfortíð (2023) er fengin úr heiti á myndlistarverki eftir Kristin E. Hrafnsson. Í hluta verksins má lesa setninguna Framundan: endalaus fortíð. Stafagerðin gefur til kynna að hún sé skrifuð af barni sem er nánast við upphaf ævinnar. Að baki: endalaus framtíð er annar hluti þessa sama verks og lokar sýningunni. Sú setning er rituð af gamalli, þjálfaðri hendi sem er að ljúka sinni lífsgöngu. Setningarnar í verkinu eru skrifaðar af raunverulegum manneskjum, hvorri á sínum enda ævinnar. Hver erum við? má spyrja. Erum við þau sömu ævina á enda?
Lesa meira
Listasafn Ísafjarðar býður gesti velkomna á opnun einkasýningar Ragnhildar Weisshappel; HAMINN NEISTI. Opnun verður á föstudaginn langa, 29. mars kl.16.00 í sal Listasafns Ísafjarðar á annarri hæð í Safnahúsinu Eyrartúni. Boðið verður upp á léttar veitingar.
Lesa meira
Listasafn Ísafjarðar býður gesti velkomna á opnun sýningarinnar BIRTING. Opnun verður 20. janúar nk. kl. 14.00 í sal Listasafns Ísafjarðar á annarri hæð í Safnahúsinu Eyrartúni.
Lesa meira
Listasafn Ísafjarðar býður gesti velkomna á opnun haustsýningar safnsins DREGIN LÍNA. Opnun verður 27. október nk. kl.16.00 í sal Listasafns Ísafjarðar á annarri hæð í Safnahúsinu Eyrartúni. Boðið verður upp á léttar veitingar.
Lesa meira